Bugungi kunda butun jahonda korrupsiya murakkab ijtimoiy illat sifatida jamiyatning rivojiga
to‘siq bo‘layotgan asosiy omillardan biriga aylangan. Bu illatning oqibatida davlat tizimlari, ishonch,
adolat va rivojlanish asoslari yemiriladi. Ammo korrupsiyaga qarshi kurash nafaqat qonunlar va jazo choralari orqali, balki ma’naviy tarbiya va bilim orqali ham samarali tarzda olib borilishi mumkin. Chunki, bilimli va
ma’naviyatli inson poraga emas, insof va vijdonga tayanadi. Korrupsiya jamiyatda adolatsizlik, ishonchsizlik va munofiqlik muhitini vujudga keltiradi. Ma’naviyat – insonning ichki tarbiyasi, o‘zini nazorat qilish qobiliyati va jamiyat oldidagi mas’uliyatini anglashidir. Faqat individual tarbiya emas, jamiyat muhiti ham muhim. Agar atrofda korrupsiya "me’yor" sifatida qabul qilinsa, yoshlar ham shu yo‘lni to‘g‘ri deb o‘ylaydi. Korrupsiyaga qarshi kurash faqat jazo, tekshiruv va qonunlar bilan emas, balki ma’naviyat va bilim orqali samarali amalga oshadi. Belgilangan rejaga asosan "Gʻozicheki", Qo‘rtqi MFYlarida, A. Temur, OSHP, 35- maktab, 48-maktab va
1-DIM jamoalarida, "Andijon suv ta’minoti" MCHJ Jalaquduq tuman filialida Xalq deputatlari Jalaquduq tuman Kengashi deputatlari belgilangan reja grafik asosida I.Jo‘rayev, E.Qurbonov, B.Bazarova, O.Xolmurodova, Z.Gʻofurovalar tomonidan belgilangan xududlarida tushuntirish va targ‘ibot tadbirlari tashkil etildi.