Бүгин 2024-жыл 7-март күни Хожели районы орайында жайласқан пайызлы орынлардың биринде 8-март – «Халық аралық ҳаял-қызлар күни» мүнәсибети менен байрам кешеси өткерилди. Оған район сектор басшылары, нураный апалар, жәмийет турмысында белсендилик көрсетип киятырған ҳаял-қызлар, түрли мәкеме, кәрхана ҳәм шөлкем ўәкиллери қатнасты. Иләжда район ҳәкими Ж.М.Ермашев сөзге шығып, байрам менен бәрше аналарымыз ҳәм ҳаял-қызларымызды шын жүректен қутлықлап, олардың ҳәр қандай тараўда мийнет етиўи ҳәмде өзлериниң пидайы хызметлери менен жәмийетимиздиң раўажланыўына қосып атырған үлеслерин айрықша атап өтти. Буннан соң, ҳаял-қызларымыз ушын арналған саўғалар тапсырылып, районлық Мәденият бөлими тәрепинен таярланған концерт бағдарламасы инәм етилди.