Xalq deputatlari Bekobod shahar kengashining 2025-yil uchun tasdiqlangan ish rejasiga asosan 6-Muqimiy saylov okrugidan saylangan deputat Xalima Ibragimova mahalla xotin-qizlar faolining faoliyatini o‘rgandi. O‘rganish jarayonida mahalladagi xotin-qizlarning bandligi, “Ayollar daftari” orqali xotin-qizlarga ko‘rsatilgan amaliy ko‘maklarning sifat samaradorligi bilan tanishdi. Shu bilan birgalikda fuqarolar qabulini o‘tkazdi. Qabulda fuqarolardan uy-joy masalasi, moddiy yordam, bandlik kabi masalarda murojaatlar o‘rganildi va 9 nafar fuqarodan tushgan murojaatlardan 3 tasi joyida hal etildi, 4 tasiga huquqiy tushuncha berildi hamda 2 tasi bo‘yicha tegishli tashkilotlarga murojaat yo‘llashga kelishildi.