Tadbirda 60 nafardan ortiq ko‘zi ojiz hamda ijtimoiy himoyaga muhtoj fuqarolar ishtirok etib, ular uchun quvonch, samimiyat va bayramona kayfiyat hukm surgan iliq muhit yaratildi. Bayram davomida mehmonlarga turli taomlar tortiq etildi, shuningdek, ularning kayfiyatini ko‘tarish maqsadida madaniy dastur ham namoyish etildi. Ushbu ezgu tashabbus mehr-muruvvat, insonparvarlik va ijtimoiy birdamlik qadriyatlarini yanada mustahkamlash, fuqarolarga e’tibor va g‘amxo‘rlik ko‘rsatish yo‘lidagi amaliy qadam bo‘lib xizmat qildi.