O'zbekiston Respublikasi Oliy Majlisi Senati Kengashining 35-sonli qarori, Xalq deputatlari Samarqand viloyati Kengashining "Mahalliy Kengash deputati faoliyatining eng muhim 24 ta samaradorlik yo'nalishlari bo'yicha" bergan tavsiyalari asosida Xalq deputatlari Toyloq tumani Kengashi kotibiyati mudiri B.Xamrayev, viloyat Kengashi deputati M. Sayfiddinova, tuman Kengashi deputatlari F.Sidikov, A.Nishonovlar tomonidan tumandagi Qo'rg'oncha, O'rtaqishloq, Fayziobod mahallalarida bo‘lib, "Mahalla yettiligi" tomonidan amalga oshirilgan ishlar holati bilan tanishishdi.

           O'rganish jarayonida mahallada fuqarolar murojaatlari ijrosi bo'yicha amalga oshirilayotgan ishlar, aholi bandligini ta'minlash, aholining ijtimoiy ehtiyojmand toifalariga ko‘rsatiladigan xizmatlar, mahalla xotin-qizlar faoli tomonidan amalga oshirilayotgan ishlar samaradorlig, mahalla obodligi, mahalla aholisiga chiqindilarni o'z vaqtida olib chiqib ketish bo'yicha xizmatlarning holati bo'yicha barcha masalalar chuqur tahlil etilib, kelgusida amalga oshirilishi lozim bo'lgan vazifalar yuzasidan o'z tavsiyalarini berdilar.