Belgilangan kalendar rejaga asosan tuman xokimligida maxallalardagi xokim yordamchilari, faol ayollar, yoshlar yetakchilari va ijtimoiy xodimlar ishtirokida "Korrupsiya-taraqqiyot kushandasi" mavzusida
targ‘ibot tadbiri o‘tkazildi. Tadbir davomida O‘zbekiston Respublikasining "Korrupsiyaga qarshi kurashish
to‘g‘risida" ga Qonuni, O‘zbekiston Respublikasi Prezidenti va Oliy Majlis Senati Kengashining shu soxaga oid qabul qilgan Farmon va Qarorlari mazmun mohiyati tushuntirildi. Tadbirda korrupsiyaning oldini olish va unga qarshi kurashish bo‘yicha aniq tizim yaratilgani, sohaga oid davlat siyosatining ustuvor yo‘nalishlari belgilab olingani, Parlamentning har ikkala palatalarida mas’ul qo‘mitalar, Korrupsiyaga qarshi kurashish bo‘yicha milliy kengash tashkil qilingani ta’kidlandi. Muloqot davomida davlat boshqaruvida
byurokratiyani kamaytirish, ochiqlik va shaffoflikni ta’minlash, davlat xizmatlarini ko‘rsatish sifatini yaxshilash, raqamlashtirish orqali inson omilini kamaytirish borasida amalga oshirilgan chora-tadbirlar korrupsiyaga qarshi kurashish bo‘yicha davlat siyosatining muhim elementlari bo‘lib xizmat qilayotgani e’tirof etildi