Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq O‘zbekiston Liberal demokratik partiyasidan saylangan deputat U.Aripbayev hamda kotibiyat xodimi N.Kurganova tomonlaridan tumanning “Chimboyliq” mahallasida istiqomat qiluvchi fuqaro Xolida Temirova xonadonida tomorqa yeridan foydalanish samaradorligi o‘rganildi.

O‘rganish davomida xonadon egalarining tomorqa yerlaridan samarali foydalanayotganligi, yer maydonlarida malina, bodring, pomidor, qalampir, ko‘katlar kabi qishloq xo‘jaligi ekinlari, shuningdek uzum parvarish qilinayotgani kuzatildi. Ekinlarni agrotexnik talablar asosida parvarishlash, sug‘orish va hosildorlikni oshirish bo‘yicha amalga oshirilayotgan ishlar bilan tanishildi.

Xonadon sohiblari yetishtirilgan mahsulotlarni, asosan o‘z oilasi ehtiyojlari uchun ishlatishlari ma’lum qildilar. Bu esa tomorqa yerlaridan oqilona foydalanish aholi farovonligini oshirish va oilaviy tadbirkorlikni rivojlantirishda muhim ahamiyat kasb etayotganini ko‘rsatadi.

Deputat muloqot davomida tomorqa yerlaridan yanada samarali foydalanish, yuqori daromad keltiruvchi ekin turlarini ko‘paytirish, intensiv usullarni joriy etish, suv resurslaridan tejamkorlik bilan foydalanish hamda hosildorlikni oshirish yuzasidan o‘z tavsiyalarini berdi.