Joriy yilning 24-iyul kuni oltinchi chaqiriq Xalq deputatlari Chinoz tumani Kengashining navbatdagi sakson to‘qqizinchi sessiyasi bo‘lib o‘tdi.

Sessiyasi ishida xalq deputatlari Chinoz tumani Kengashi deputatlari, tuman hokim o‘rinbosarlari, Xalq deputatlari Chinoz tumani Kengashi kotibiyati xodimlari, tumandagi tegishli bo‘lim va tashkilot rahbarlari hamda ommaviy axborot vositalari vakillari ishtirok etdilar.

Sessiyaga Xalq deputatlari tuman Kengashi raisi Sherzod Salixov raislik qildi va olib bordi.

Sessiya ishida kun tartibiga kiritilgan quyidagi masalalar ko‘rib chiqildi.

Chinoz tumanida “Yoshlar va biznesni qo‘llab-quvvatlash yili” davlat dasturi ijrosi hamda yoshlar muammolarining hal etilishiga ko‘maklashish, yosh avlodning iste’dodi va qobiliyatlarini rivojlantirish bo‘yicha qo‘shimcha sharoitlar yaratish borasida 2024-yilning 2-choragida amalga oshirilgan ishlar to‘g‘risida tuman hokimi Sh.Salixovning hisoboti eshitildi.

Chinoz tumanida yangi ish o‘rinlarini yaratish va aholi bandligini ta’minlash borasida joriy yilning yanvar-iyul oylarida amalga oshirilgan ishlar to‘g‘risida Chinoz tumani hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari Z.Sultanovning hisoboti eshitildi.

Chinoz tumanida 2024-yil birinchi mavsum tashabbusli budjet jarayonida g‘olib bo‘lgan loyihalarni o‘z vaqtida va sifatli amalga oshirilishi holatini o‘rganish natijalari to‘g‘risida Xalq deputatlari Chinoz tumani Kengashining Mahalliy byudjet, iqtisodiy islohotlarni amalga oshirish, investitsiyalar va tadbirkorlikni rivojlantirish masalalari bo‘yicha doimiy komissiyasi raisi, ishchi komissiya a’zosi O.Dadajonovning axboroti eshitildi.

Chinoz tumanida energiya resurslaridan foydalanish samaradorligini oshirish bo‘yicha qo‘shimcha chora-tadbirlar to‘g‘risida tuman hokimining qurilish, kommunikatsiyalar, kommunal xo‘jalik, ekologiya va ko‘kalamzorlashtirish masalalari bo‘yicha o‘rinbosari T.Tajiboyevning hisoboti eshitildi.

Chinoz tumanidagi davlat organlari va tashkilotlarining norma ijodkorligi faoliyati hamda huquqni qo‘llash amaliyotining holati to‘g‘risida Chinoz tumani Adliya bo‘limi tomonidan 2024-yilning 2-choragida amalga oshirilgan ishlar yuzasidan tuman Adliya bo‘limi boshlig‘ining axboroti eshitildi.

Chinoz tumanida sog‘liqni saqlashni rivojlantirishga oid davlat dasturlarining bajarilishi, kasalliklar profilaktikasining holati, sog‘lom turmush tarzini va to‘g‘ri ovqatlanishni shakllantirish, shuningdek sog‘liqni saqlashning asosiy ko‘rsatkichlari to‘g‘risida Chinoz tumani Tibbiyot birlashmasi boshlig‘i J.Razzoqovning hisoboti eshitildi.

Xalq deputatlari Chinoz tumani Kengashi kotibiyatining ichki mehnat tartib qoidalarini tasdiqlash to‘g‘risidagi masala yuzasidan Xalq deputatlari Chinoz tumani Kengashi kotibiyati bosh mutuxassisi E.Saidovning axboroti eshitildi.

Shuningdek, kun tartibiga kiritilgan bir qator boshqa masalalar ko‘rib chiqildi.

Sessiya kun tartibidagi masalalar tanqidiy muhokama qilinib, unda deputatlar Farhod Ibragimov, Yigitali Ruzaliyev, Nigora Muxamadiyeva, Shuhrat Ergashov, Ismoil Sodiqov, Olimjon Dadajonov, Bahodir Saydullayevlar so‘zga chiqib, o‘zlarining savol, taklif va fikr-mulohazalarini bildirib o‘tdilar.

Sessiya yakunida kun tartibidagi masalalar yuzasidan tegishli qarorlar qabul qilindi.

Xalq deputatlari Chinoz tumani Kengashi kotibiyati