#Deputatlik_faoliyati #24_ta_tavsiyaviy_savol #haftalik_ish_reja_ijrosi

Xotin-qizlar bilan psixologik trening tashkil etildi

🇺🇿 Xalq deputatlari Uchtepa tumani Kengashi “2-Hamkor” saylov okrugi deputati Abdullayeva Kimyo Adilovna tomonidan Ibrat mahallasida “Ayollar daftari”ga kiritilgan xotin-qizlar bilan uchrashuv tashkil etildi.

🧠 Uchrashuv psixologik trening shaklida o‘tkazilib, unda xotin-qizlarning ruhiy holatini mustahkamlash, o‘ziga bo‘lgan ishonchini oshirish, mavjud muammolarni yengib o‘tish hamda ijtimoiy faolligini qo‘llab-quvvatlashga qaratilgan turli mashg‘ulot va suhbatlar olib borildi.

📇 Uchrashuv davomida ishtirokchilar o‘zlarini qiynayotgan masalalar yuzasidan fikr va mulohazalarini bildirib, mutaxassislar tomonidan tegishli tavsiya va maslahatlar oldilar. Samimiy muloqot va amaliy mashg‘ulotlar orqali xotin-qizlarning o‘z imkoniyatlarini to‘g‘ri baholashi hamda hayotiy qiyinchiliklarga ijobiy yondashish ko‘nikmalarini rivojlantirishga alohida e’tibor qaratildi.

📈 Mazkur uchrashuv mahalliy Kengash deputatlari faoliyatini tashkil etish bo‘yicha 24 ta tavsiyada belgilangan vazifalar asosida tashkil etilib, deputatning xotin-qizlar bilan bevosita muloqotini ta’minlash, ularning muammolarini o‘rganish va amaliy ko‘mak ko‘rsatishga xizmat qildi.

✅ Bunday uchrashuvlarning muntazam tashkil etilishi xotin-qizlarning ijtimoiy faolligini oshirish, ularni qo‘llab-quvvatlash va muammolarini manzilli hal etishda muhim ahamiyat kasb etadi.