35-SONLI MAKTAB ATROFIDAGI YER MAYDONIDAN SAMARALI FOYDALANISH VA ZAMONAVIY STADION BARPO ETISH MASALASI KO‘TARILDI

Xalq deputatlari Ohangaron tuman Kengashi 10-Toshariq saylov okrugi deputati, O‘zLiDeP a’zosi Nabiyev Anvar G‘aniyevich tomonidan Toshariq MFY hududida mavjud masalalarni o‘rganish yuzasidan o‘rganish ishlari olib borildi.

O‘rganish jarayonida 35-sonli umumta’lim maktabi yonida joylashgan yer maydoni (yaylov)dan samarali foydalanish masalasi ko‘tarildi. Xususan, ushbu hududni maktab balansiga o‘tkazish hamda “Ochiq budjet” dasturiga kiritish orqali obodonlashtirish bo‘yicha amaliy yordam ko‘rsatish yuzasidan deputatga murojaat qilindi.

Shu bilan birga, mazkur hududda yoshlar va aholi uchun qulay shart-sharoit yaratish maqsadida zamonaviy sport maydoni (stadion) barpo etish taklifi ham ilgari surildi.

Mazkur murojaatlar yuzasidan deputat tomonidan masalalar atroflicha o‘rganilishi, qonunchilik doirasida tegishli tartib-taomillar asosida ko‘rib chiqilishi ta’kidlab o‘tildi.

Hududni yanada obod qilish, ta’lim muassasasi atrofini tartibga keltirish hamda zamonaviy infratuzilmani rivojlantirish masalalari deputat nazoratida ekani ma’lum qilindi.