O‘rganish davomida hududdagi oilaviy poliklinikalar va boshqa tibbiyot muassasalarida mavjud bepul dori vositalari zaxirasi, ularning saqlanish sharoiti, aholiga taqsimlanish tartibi hamda belgilangan me’yorlarga muvofiq ravishda yetkazib berilishi holati atroflicha tahlil qilindi. 

Shu bilan birga, imtiyozli toifaga kiruvchi fuqarolar — keksalar, nogironligi bo‘lgan shaxslar, surunkali kasallikka chalingan bemorlarning dori vositalariga bo‘lgan ehtiyoji va ularning ta’minlanganlik darajasi alohida o‘rganildi.

Deputat tomonidan tibbiyot muassasalari mas’ul xodimlari bilan suhbatlar o‘tkazilib, dori vositalarini yetkazib berishdagi mavjud muammolar, ta’minotdagi uzilishlar, hisob-kitob yuritish va taqsimot jarayoni muhokama qilindi. 

O‘rganish natijalariga ko‘ra dori vositalari ta’minotini yanada yaxshilash, tizimli nazoratni kuchaytirish hamda aholiga o‘z vaqtida va to‘liq xizmat ko‘rsatilishini ta’minlash yuzasidan tegishli mutasaddi tashkilotlarga aniq taklif va tavsiyalar berildi.

Mazkur masala deputat tomonidan doimiy nazoratga olingan bo‘lib, kelgusida ham aholini sifatli tibbiy xizmat va zarur dori vositalari bilan ta’minlash bo‘yicha amaliy ishlar izchil davom ettiriladi.