O‘zbekiston Ekologik partiyasi Zomin tuman partiya tashkiloti raisi, tuman Kengashi deputati Y. Safarov tomonidan Zomin tuman Obodonlashtirish boshqarmasi bo‘limi ishchi xodimlari bilan hamkorlikda “Qo‘rg‘on” MFY hududida yashil makon umummilliy loyihasi doirasida eko xashar aksiyasi tashkil etildi.

Tadbir davomida hududga 1000 dona manzarali ko‘chatlar ekilib, ularning parvarishi uchun sug‘orish tizimi yo‘lga qo‘yildi. Ko‘chatlarni doimiy ravishda parvarish qilish va nazorat qilish bo‘yicha mas’uliyat belgilanib, ularning sog‘lom rivojlanishi ta’minlandi.

Ushbu aksiyaning asosiy maqsadi — mahalla hududlarini ko‘kalamzorlashtirish, atrof-muhitni obodonlashtirish va yashil muhitni kengaytirish orqali kelajak avlod uchun sog‘lom va estetik muhit yaratishdir.