O‘zbekiston Ekologik partiyasi Zomin tuman partiya tashkiloti raisi va tuman kengashi deputati Y. Safarov tomonidan tumandagi tozalik va obodonlashtirish ishlari bo‘yicha ekoreyd tadbiri amalga oshirildi.

Tadbir davomida tuman Obodonlashtirish boshqarmasi ishchi xodimlari bilan suhbatlar o‘tkazilib, hududdagi tozalik tadbirlari va amalga oshirilayotgan ishlar joyida o‘rganildi. Reyd jarayonida tuman hududidagi soylar va jamoat joylari tozaligi ham alohida e’tibor bilan nazorat qilindi.

Tozalik ishlari doimiy ravishda davom etmoqda, va ekoreyd tadbirlari hududlarni tartibli, obodon va ekologik barqaror saqlashga qaratilgan.

O‘zbekiston Ekologik partiyasi hududlarda shunday monitoring tadbirlarini muntazam ravishda olib borib, aholining yashash muhiti sifatini yaxshilash va ekologik madaniyatni oshirishga xizmat qilmoqda.