Xalq deputatlari Andijon shahar Kengashi deputati Dildoraxon Rahmatullayeva tomonidan o‘z saylov okrugidagi “Sog‘lom avlod” MFYda o‘rganish ishlari olib borildi.

O‘rganish davomida deputat mahalla raisi Ranoxon Ortiqova bilan birgalikda mahalla hududida joylashgan basketbol sport maydonchasini ko‘zdan kechirdi. Mahalla raisi tomonidan ushbu maydonchani mini futbol maydonchasiga moslashtirish va qayta ta'mirlash ishlarini amalga oshirishda amaliy yordam ko‘rsatish taklifi bildirildi.

Mazkur tashabbus hududda istiqomat qilayotgan 800 nafardan ortiq 18 yoshgacha bo‘lgan bolalar va yoshlar uchun sport bilan muntazam shug‘ullanishi, bo‘sh vaqtini mazmunli o‘tkazishi hamda sog‘lom turmush tarzini keng targ‘ib etishga xizmat qilishi qayd etildi.

Deputat tomonidan ushbu masalani tegishli tashkilotlarda ko‘rib chiqish maqsadida deputat so‘rovi kiritish orqali amaliy choralar ko‘rilishi yuzasidan tushuntirish berildi.