Xalq deputatlari Sardoba tumani Kengashi kotibiyati bosh mutaxassisi L.Toshquvvatov tomonidan ekilgan ko‘chatlarning sug‘orish tarmog‘i bilan ta’minlanganligi hamda ta’minlanmagan hududlar holati yuzasidan o‘rganish ishlari olib borildi.
O‘rganish davomida ko‘chatlar ekilgan maydonlarda sug‘orish tarmog‘ining mavjudligi, uning samaradorligi hamda sug‘orish tizimi hali yetib bormagan hududlar atroflicha ko‘zdan kechirildi. Shuningdek, ko‘chatlarning to‘liq parvarish qilinishi va ularning yashovchanligini ta’minlash maqsadida mavjud holat tahlil qilindi.
O‘rganish yakunlari bo‘yicha sug‘orish tarmog‘i bilan hali ta’minlanmagan hududlarni qisqa muddatlarda infratuzilma bilan qamrab olish yuzasidan tegishli mas’ul tashkilotlarga taklif va tavsiyalar berildi hamda mazkur masala nazoratga olindi.
Bu boradagi amaliy ishlarning izchil davom ettirilishi belgilandi.