Tashrif davomida ko‘chalar, ichki yo‘llar, jamoat joylari hamda yashil hududlarning holati ko‘zdan kechirilib, mas’ullarning hisobotlari tinglandi. Mavjud kamchiliklar tanqidiy tahlil qilinib, ularni qisqa muddatlarda bartaraf etish bo‘yicha aniq topshiriqlar berildi.
Shuningdek, aholi xonadonlarida bo‘lib, obodonlashtirish va ozodalikka rioya etish yuzasidan tushuntirish ishlari olib borildi. Mahalla "yettiligi" faoliyatidagi sustkashlik va mas’uliyatsizlik holatlari keskin tanqid qilinib, hududni namunali mahallaga aylantirish bo‘yicha vazifalar belgilandi.
Mahalla aholisi bilan o‘tkazilgan ochiq muloqotda fuqarolar o‘z xonadonlari va ko‘cha oldi hududlarini ozoda saqlash, ko‘kalamzorlashtirish ishlarida faol ishtirok etishga chaqirildi.
Yakunda aniqlangan kamchiliklarni tezkor bartaraf etish, obodonlashtirish ishlarini izchil davom ettirish hamda mahallaning sanitariya va ekologik holatini yanada yaxshilash yuzasidan mas’ullarga tegishli topshiriqlar berildi.