🏥 Deputatlik nazorati doirasida tibbiyot muassasasi faoliyati o‘rganildi

📍 Xalq deputatlari Sherobod tumani Kengashining 8-Mehnatobod saylov okrugi deputati S. Irisov hamda Kengash kotibiyati bosh mutaxassisi S. Safarov tomonidan “Dehqonariq” mahallasi hududida joylashgan 83-son oilaviy poliklinika faoliyati O‘zbekiston Respublikasining “Fuqarolar sog‘lig‘ini saqlash to‘g‘risida”gi O‘RQ–261-I-son Qonuni talablari asosida deputatlik nazorati tartibida o‘rganildi.

🔎 O‘rganish davomida muassasada aholiga ko‘rsatilayotgan birlamchi tibbiy xizmatlar sifati, onalar va bolalar salomatligini muhofaza qilish, ijtimoiy himoyaga muhtoj fuqarolarga ko‘rsatilayotgan tibbiy yordam, imtiyozli dori vositalari bilan ta’minlash, shuningdek, tibbiyot muassasasida qonunchilik talablariga rioya etilishi va xizmatlar shaffofligini ta’minlash borasidagi ishlar tahlil qilindi.

📝 Yakunda aniqlangan holatlar yuzasidan tegishli tavsiyalar berilib, mavjud kamchiliklarni bartaraf etish hamda aholiga ko‘rsatilayotgan tibbiy xizmatlar sifatini yanada oshirish bo‘yicha mas’ullarga tegishli vazifalar belgilandi.

🤝 Deputatlik nazorati — qonunlar ijrosini ta’minlash va fuqarolar manfaatlarini himoya qilishning muhim vositasidir.