Xalq deputatlari Chilonzor tumani Kengashi deputati Xidiyatulina Rima Rashitovna tomonidan fuqaro murojaatida ko‘tarilgan issiq suv ta’minoti bilan bog‘liq muammoni o‘rganish va bartaraf etish choralarini ko‘rish yuzasidan tegishli mas’ul tashkilotga deputatlik so‘rovi yuborildi.

Mazkur deputatlik so‘roviga 1-Qatortol ko‘chasi, 37-uy, 12-xonadonda istiqomat qiluvchi fuqaro X. Qosimovning murojaati asos bo‘ldi.

Murojaatda ma’lum qilinishicha, mazkur xonadon bo‘yicha issiq suv ta’minoti xizmatidan qarzdorlik mavjud emasligiga qaramay, qariyb bir yil davomida issiq suv ta’minoti yo‘lga qo‘yilmagan.

Shu munosabat bilan deputatlik so‘rovida mazkur holatni atroflicha o‘rganish, issiq suv ta’minotidagi uzoq muddatli uzilish sabablarini aniqlash, mavjud muammoni bartaraf etish hamda xonadonning barqaror issiq suv bilan ta’minlanishini tiklash bo‘yicha zarur amaliy choralarni ko‘rish masalasi qo‘yildi.

Shuningdek, o‘rganish natijalari, aniqlangan holatlar hamda amalga oshirilgan ishlar yuzasidan belgilangan tartibda ma’lumot taqdim etish so‘raldi.