Oramizda shunday insonlar borki, ularning jismoniy imkoniyati cheklangan, lekin ma’naviyati yuksak, ruhi esa juda kuchli va matonatli. Albatta, ularni har tomonlama qo‘llab-quvvatlash borasidagi eng katta mas’uliyat davlat zimmasiga tushadi.

O‘zbekiston Republikasi Xalq demokratik partiyasi Toshkent shahar Kengashi tomonidan nogironligi bo‘lgan shaxslarning huquq va manfaatlarini qo‘llab-quvvatlash, ularning jamiyat hayotidagi faol ishtirokini rag‘batlantirish hamda ijodiy salohiyatini namoyon etish maqsadida “Imkoniyati cheklangan” ijtimoiy aksiyasi tashkil etildi.

Ushbu tadbirda nogironligi bo‘lgan fuqarolar tomonidan yaratilgan tasviriy va amaliy san’at namunalari, hunarmandchilik mahsulotlari hamda qo‘l mehnati asosida tayyorlangan ijodiy ishlar ko‘gazmasi tashkil etildi. Ijodiy mahsulotlar kimoshdi savdosiga qo‘yilib, ularning mehnati va iste’dodi keng jamoatchilikka namoyish etildi.

Tashkil etilgan “Imkoniyati cheklangan” ijtimoiy aksiyasida  O‘zbekiston Republikasi Xalq demokratik partiyasi Mirzo Ulug‘bek tumani Kengashi raisi Shoxzoda Kurbanova ishtirok etdi.

O‘tkazilgan tadbir nogironligi bo‘lgan fuqarolarning beg‘ubor qalbini yanada quvonchu-shodlikka to‘ldirdi.