#deputat_soʻrovi_javobi #Uchtepa_deputatlari #deputatlik_faoliyati

🇺🇿 Xalq deputatlari Uchtepa tumani Kengashiga O'zbekiston ekologik partiyasidan saylangan "2-Hamkor" okrugi deputati Abdullayeva Kimyo Adilovna tomonidan fuqarolar murojaatiga asosan Nishabariq mahallasi Bayram ko'chasidagi 95-uy oldi (ko'chaga kirish qismi) asfalt qoplamasini tiklash (asfalt yotqizish) ishlarini amalga oshirish yuzasidan yuborilgan deputatlik so‘roviga Uchtepa tumani hokimining qurilish, to‘siqlarsiz muhit yaratish, kommunikasiyalarni rivojlantirish, ekologiya va ko‘kalamzorlashtirish masalalari bo‘yicha o‘rinbosari – tuman Obodonlashtirish boshqarmasi boshlig‘i Nurali Ismatov tomonidan rasmiy javob taqdim etildi.

📩 Javobda ma’lum qilinishicha, Uchtepa tumani Nishabariq mahallasi Bayram ko‘chasi 95-uy oldidagi (ko‘chaga kirish qismi) asfalt qoplamasini tiklash masalasi belgilangan tartibda ko‘rib chiqilgan.

‼️ O‘rganish natijasiga ko‘ra, mazkur hududda asfalt qoplamasini tiklash ishlari 2026-yil uchun tasdiqlangan manzilli dasturga kiritilmaganligi sababli joriy yilda ushbu ishlarni amalga oshirish imkoniyati mavjud emasligi ma'lum qilingan.

📆 Ushbu masalani hal etish uchun, mazkur hududdagi mavjud holat inobatga olinib, asfalt qoplamasini tiklash ishlarini 2027-yil ijtimoiy va ishlab chiqarish infratuzilmasini rivojlantirish dasturining manzilli ro‘yxatiga kiritish bo‘yicha taklif shakllantirilib, dastur tasdiqlangandan so‘ng ushbu ishlar Uchtepa tuman Obodonlashtirish boshqarmasi tomonidan belgilangan tartibda amalga oshirilishi belgilandi.