Xalq deputatlari Nurobod tumani Kengashi kotibiyati bosh mutaxassisi G.Mahammadieva tomonidan Nurobod tumani hokimining qurilish, to‘siqlarsiz muhit yaratish, kommunikatsiyalar, kommunal xo‘jalik, ekologiya va ko‘kalamzorlashtirish masalalari bo‘yicha o‘rinbosari – tuman Obodonlashtirish boshqarmasi boshlig‘i M.Ibodullayev kompleksiga kiruvchi tashkilotlarga yuborilgan deputat so‘rovlarining ijrosi yuzasidan o‘rganish ishlari olib borildi.

⚡️ O‘rganish jarayonida tuman hokimligining qurilish, kommunikatsiyalar, kommunal xo‘jalik, ekologiya va ko‘kalamzorlashtirish masalalari bo‘yicha bosh mutaxassisi J.Mallaev bilan hamkorlikda kompleksga tegishli bo‘lgan jami 47 ta deputat so‘rovining ijrosi atroflicha tahlil qilindi.

⚡️Tahlil natijalariga ko‘ra, yuborilgan deputat so‘rovlarining:

⚡️27 tasi elektr energiyasi, tabiiy gaz va ichimlik suvi ta’minoti bilan bog‘liq masalalarga;
⚡️20 tasi qurilish, obodonlashtirish va ichki yo‘llarni ta’mirlash masalalariga taalluqli ekanligi aniqlandi.

➡️O‘rganish davomida mazkur deputat so‘rovlarining barchasi qonunchilikda belgilangan muddatlarda ijro etilgani va tegishli javob xatlari taqdim etilgani qayd etildi.

➡️Shu bilan birga, ayrim murojaatlar bo‘yicha masalalarning ijobiy hal etilishi qo‘shimcha vaqt va mablag‘ talab etishi, ayrim muammolarni bosqichma-bosqich bartaraf etish zarurligi yuzasidan mas’ul tashkilotlar tomonidan batafsil tushuntirishlar berildi.

⚡️O‘rganish yakunlari bo‘yicha deputat so‘rovlarining natijadorligini yanada oshirish, aholi muammolarini tizimli hal etish, mavjud kamchiliklarni bartaraf etish hamda mutasaddi tashkilotlar bilan hamkorlikni kuchaytirish yuzasidan tegishli taklif va tavsiyalar ishlab chiqildi.

⚡️Xalq deputatlari Nurobod tumani Kengashi tomonidan deputat so‘rovlarining ijrosini ta’minlash, aholi murojaatlarini o‘z vaqtida ko‘rib chiqish va hududlardagi dolzarb muammolarni hal etish masalalari doimiy nazoratda saqlanmoqda.