Xalq deputatlari Parkent tumani Kengashiga 25-Oydin saylov okrugidan saylangan deputat Ismailov Qamariddin Abduraximovich o‘zi saylangan okrugidagi “Oydin” mahallasida bo‘lib, “Mahalla yettiligi” tomonidan amalga oshirilayotgan ishlar bilan tanishdi.O‘rganish jarayonida hokim yordamchisi M.Mirzaxmedov tomonidan aholini kambag‘allikdan chiqarish,bandligini ta’minlash va oilaviy tadbirkorlikni rivojlantirish yo‘nalishidagi
ishlar tahlil qilindi.Natijalarga ko‘ra, 5 nafar ishsiz fuqaro kasb-hunar va tadbirkorlikka o‘qitilgan, 47 nafar fuqaro ishga joylashtirilgan. Yil boshidan buyon 16 nafar fuqaroga tadbirkorlik faoliyatini rivojlantirish uchun kredit ajratilgan 380 mln, 40 nafar fuqaro o‘zini o‘zi band qilgan shaxs sifatida ro‘yxatdan o‘tkazilgan.Shuningdek, 6 nafar fuqaro uchun kichik ishlab chiqarish va xizmat ko‘rsatish yo‘nalishida mikroloyihalar yo‘lga qo‘yilib, amaliy faoliyat boshlangani qayd etildi.Uchrashuv yakunida hokim yordamchisi bilan hamkorlikda aniqlangan muammolarni bosqichma-bosqich hal etish, ijtimoiy himoyaga muhtoj oilalarni qo‘llab-quvvatlash hamda mavjud kamchiliklarni bartaraf etish bo‘yicha aniq chora-tadbirlar rejasi ishlab chiqildi.