Xalq deputatlari Muzrabot tumani Kengashining 3-Ko‘chkak saylov okrugidan saylangan deputati Turdiqulov Komiljon tomonidan o‘zi saylangan hududdagi “Bodomzor” mahallasida saylovchilar bilan navbatdagi uchrashuv tashkil etildi.

Uchrashuv davomida fuqarolarni qiynab kelayotgan dolzarb masalalar, hudud infratuzilmasini yaxshilash, ijtimoiy muammolarni bartaraf etish hamda aholi farovonligini oshirishga qaratilgan taklif va murojaatlar tinglandi. Saylovchilar tomonidan bildirilgan har bir murojaat deputat tomonidan atroflicha o‘rganilib, ularni hal etish yuzasidan tegishli tashkilot va mutasaddilar bilan hamkorlikda zarur choralar ko‘rilishi ta’kidlandi.

Ochiq va samimiy ruhda o‘tgan muloqot davomida fuqarolar o‘zlarini qiziqtirgan savollarga batafsil javob oldilar. Shuningdek, uchrashuvda ko‘tarilgan ayrim masalalar deputat tomonidan joyiga chiqqan holda o‘rganilib, mavjud muammolarning holati bilan bevosita tanishildi.

Uchrashuv yakunida mahalla fuqarolariga 1998-yil 30-apreldagi 598-I-sonli “O‘zbekiston Respublikasining Yer kodeksi”ning mazmun-mohiyati, unda belgilangan yer munosabatlariga oid huquq va majburiyatlar, yerdan oqilona foydalanish hamda yer uchastkalarini ajratish tartiblari yuzasidan tushuntirishlar berildi.

Bunday uchrashuvlarning doimiy tarzda o‘tkazilib borilishi aholi murojaatlarini o‘z vaqtida o‘rganish, mavjud muammolarni aniqlash va ularni bartaraf etishda deputatlik nazoratining samaradorligini oshirishga xizmat qiladi.