МАҲАЛЛИЙ ИШЛАБ ЧИҚАРИШДАН ХАЛҚАРО БОЗОРГА ЙЎЛ

Бугун туман ҳокими, халк депутатлари Янгиқўрғон туман Кенгаши депутати А. Нажмиддинов “Маданият” маҳалласи ҳудудида фаолият юритаётган “TEXTILE-PRO GROUP” МЧЖда бўлиб, корхонанинг ишлаб чиқариш жараёнлари билан яқиндан танишди.

🔍 Ўрганиш давомида корхонанинг иш фаолияти, ишлаб чиқариш қувватлари ҳамда яратилган меҳнат шароитлари атрофлича кўздан кечирилди. Қиймати 15 млрд сўмни ташкил этган мазкур замонавий ишлаб чиқариш корхонасида бугунги кунда 60 нафар фуқаро доимий иш билан таъминлангани алоҳида таъкидланди.

🧵 Замонавий технологиялар асосида ташкил этилган ишлаб чиқариш жараёнида юқори сифатли ва рақобатбардош трикотаж маҳсулотлари тайёрланмоқда. Ишлаб чиқарилаётган маҳсулотлар нафақат ички бозор эҳтиёжларини қондириб келмоқда, балки ташқи бозорга ҳам муваффақиятли йўналтирилмоқда.

🌍 Хусусан, корхона маҳсулотлари Россия Федерацияси бозорига экспорт қилинаётгани унинг экспорт салоҳияти юқори эканлигидан далолат беради.

📈 Ташриф якунида туман ҳокими томонидан масъулларга ишлаб чиқариш ҳажмини янада кенгайтириш, янги иш ўринлари яратиш, маҳсулот турларини кўпайтириш ҳамда экспорт географиясини диверсификация қилиш бўйича аниқ топшириқ ва кўрсатмалар берилди.

📌 Мазкур каби лойиҳалар ҳудудда саноатни ривожлантириш, аҳоли бандлигини таъминлаш ҳамда маҳаллий маҳсулотларни жаҳон бозорига олиб чиқишда муҳим аҳамият касб этмоқда.