🟢 PQ-4845-SON QARORI IJROSI YUZASIDAN O‘RGANISH ISHLARI BELGILANDI

Xalq deputatlari Sherobod tumani Kengashining Agrar, suv xo‘jaligi va ekologiya masalalari bo‘yicha doimiy komissiyasi a’zolari hamda tuman Sanitariya-epidemiologik osoyishtalik va jamoat salomatligi bo‘limi bosh vrachi Saidov O‘ralbek Erkinovich ishtirokida O‘zbekiston Respublikasi Prezidentining 2020-yil 29-sentabrdagi PQ-4845-son “Maishiy va qurilish chiqindilari bilan bog‘liq ishlarni boshqarish tizimini yanada takomillashtirish chora-tadbirlari to‘g‘risida”gi qarori ijrosini o‘rganish masalasi muhokama qilindi.

O‘rganishni tizimli va belgilangan mezonlar asosida tashkil etish maqsadida qaror talablari asosida maxsus savolnoma ishlab chiqildi.

Savolnomada hududda maishiy chiqindilarni yig‘ish va olib chiqib ketish xizmatlari, chiqindi to‘plash shoxobchalari va konteynerlarning holati, sanitariya tozaligi, chiqindilarni belgilangan joylarga olib chiqish, mavjud muammolar hamda aholining mazkur xizmatlar bilan qamrab olinganlik holatini o‘rganishga alohida e’tibor qaratildi.

Shuningdek, savolnoma asosida joylarga chiqib o‘rganish o‘tkazish, aniqlangan muammolarni tahlil qilish hamda natijalari bo‘yicha tegishli taklif va tavsiyalar ishlab chiqish yuzasidan chora-tadbirlar belgilab olindi.

Xalq deputatlari Sherobod tumani Kengashi kotibiyati matbuot xizmati.