Shu maqsadda bugun shahar hokimi, xalq deputatlari Termiz shahar Kengashining 20-“Eskishahar” saylov okrugi deputati Sh.Lolayev hamda shahar Kengashi raisi, deputat D.Normuradova ishtirokida navbatdagi sayyor qabul o‘tkazildi.

Unda shahar hokimining o‘rinbosarlari, mutasaddi tashkilot, korxona va idoralar rahbarlari hamda murojaat bilan kelgan fuqarolar ishtirok etishdi.

Ochiq va samimiy muloqot ruhida o‘tgan qabulda 16 nafar fuqaroning 18 ta murojaati atroflicha tinglanib, asosan uy-joy ajratish va ularni ta’mirlash, qurilish va elektr energiyasi ta’minotini yaxshilash hamda fuqarolarning bandligini ta’minlash kabi muhim masalalar ko‘rib chiqildi.

​Qabul jarayonida ko‘tarilgan murojaatlarning ayrimlariga joyida huquqiy tushuntirishlar berilgan bo‘lsa, qo‘shimcha o‘rganish va vaqt talab etadigan masalalar yuzasidan tegishli mutasaddi idora rahbarlariga aniq topshiriqlar berilib, ularning ijrosi shahar hokimligi tomonidan qat’iy nazoratga olindi.