Xalıq deputatları Bozataw rayonlıq Keńesi 12-sanlı "Aspantay" saylaw okruginen (ÓzLiDeP) saylanǵan deputat G.Jumanazarova tárepinen saylaw okrugindegi isbilermenler menen sóylesiwler dawam ettirilmekte.

Gezektegi ushırasıw aymaqta isbilermenlik penen shuǵıllanıp kiyatırǵan G.Onǵarova menen ótkerildi.

G.Onǵarova jeke tártiptegi isbilermen sıpatında 2026-jıl 26-fevralda mámleketlik dizimnen ótkerilgen bolıp, ushırasıw dawamında isbilermenniń jumıs baǵdarı, jumıstı rawajlandırıw imkaniyatları hám bul tarawdaǵı máseleler haqqında pikir alısıldı.

Deputat tárepinen isbilermenlerdi qollap-quwatlaw, olardıń usınıs hám múrájatların úyreniw, sonday-aq, jumıstı jáne de rawajlandırıwǵa járdem beriw boyınsha tiyisli jumıslar alıp barılatuǵını atap ótildi.