19-СОНЛИ МАКТАБНИНГ ЯНГИ ЎҚУВ ЙИЛИГА ТАЙЁРГАРЛИГИ ЎРГАНИЛДИ
Халқ депутатлари Янгиқўрғон тумани Кенгаши котибияти мутахассиси Эгамбердиев Комилжон томонидан Оқсув Ғовозон маҳалласида жойлашган 19-сонли умумий ўрта таълим мактабида янги ўқув йилига тайёргарлик ҳолати ўрганилди.
Ўрганиш жараёнида синф хоналари, фан кабинетлари, спорт зали, кутубхона, ошхона ва санитария хоналарининг ҳолати кўздан кечирилди. Шунингдек, ободонлаштириш ва жорий таъмирлаш ишлари, дарсликлар ҳамда зарур жиҳозлар билан таъминланганлик даражасига алоҳида эътибор қаратилди.
Мактабда ўқувчилар учун хавфсиз, сифатли ва қулай таълим муҳитини яратиш, мавжуд камчиликларни янги ўқув йили бошлангунига қадар бартараф этиш юзасидан масъулларга тегишли тавсиялар берилди.
Аниқланган масалалар назоратга олиниб, уларнинг ижроси юзасидан тегишли ташкилотлар билан ҳамкорликда чоралар белгиланди.