Mahallada hokim yordamchisi faoliyati o‘rganildi

Xalq deputatlari Navoiy shahar Kengashi kotibiyati mudiri Jo‘rabek Hafizov hamda kotibiyat bosh mutaxassisi Diyorbek Toirov tomonidan “Oltin vodiy” mahallasida hokim yordamchisi faoliyati o‘rganildi.

O‘rganish davomida hokim yordamchisi tomonidan hududda tadbirkorlikni rivojlantirish, aholi bandligini ta’minlash, ehtiyojmand oilalarni ijtimoiy qo‘llab-quvvatlash hamda fuqarolarning murojaatlari bilan ishlash borasida amalga oshirilayotgan ishlar ko‘zdan kechirildi.

Shuningdek, mahallada ish o‘rinlarini yaratish, o‘zini o‘zi band qilgan fuqarolarni qo‘llab-quvvatlash va mavjud loyihalarni samarali amalga oshirish holati yuzasidan atroflicha ma’lumotlar olindi.

Muloqotlar jarayonida fuqarolarning taklif va mulohazalari ham tinglanib, aniqlangan ayrim masalalar yuzasidan mas’ullarga tegishli tavsiyalar berildi.
Yakunda mahalla hududida aholi bandligini oshirish, tadbirkorlikni yanada rivojlantirish hamda ijtimoiy-iqtisodiy loyihalarni samarali amalga oshirish bo‘yicha vazifalar belgilab olindi.