“Me’mor” mahallasida hokim yordamchisi faoliyati o‘rganildi

Xalq deputatlari Navoiy shahar Kengashi kotibiyati mudiri Jo‘rabek Hafizov hamda kotibiyat bosh mutaxassisi Diyorbek Toirov tomonidan “Me’mor” mahallasida hokim yordamchisi faoliyati o‘rganildi.

O‘rganish jarayonida mahalla hududida aholi bandligini ta’minlash, tadbirkorlikni rivojlantirish hamda fuqarolarning daromadlarini oshirishga qaratilgan ishlar holati atroflicha ko‘zdan kechirildi. Hokim yordamchisi tomonidan amalga oshirilayotgan loyihalar, yangi ish o‘rinlarini yaratish, o‘zini o‘zi band qilgan fuqarolarni qo‘llab-quvvatlash borasidagi ishlar samaradorligi tahlil qilindi.

Shuningdek, ijtimoiy himoyaga muhtoj oilalar bilan manzilli ishlash, ularning muammolarini o‘z vaqtida hal etish hamda davlat dasturlari doirasida ajratilayotgan imtiyoz va imkoniyatlardan samarali foydalanish masalalariga alohida e’tibor qaratildi.

Tashrif davomida mutasaddilar tomonidan fuqarolar bilan ochiq muloqot o‘tkazilib, ularning taklif va murojaatlari tinglandi. Aniqlangan ayrim masalalar yuzasidan tegishli mas’ullarga amaliy tavsiya va ko‘rsatmalar berildi.
Yakunda “Me’mor” mahallasida aholi farovonligini oshirish, tadbirkorlik muhitini yanada yaxshilash hamda ijtimoiy-iqtisodiy islohotlarni samarali amalga oshirish bo‘yicha muhim vazifalar belgilab olindi.