Bugun Xalq deputatlari Termiz shahar Kengashi raisi D.Normuradova hamda Kengash deputati O.Sharofutdinova shahardagi “Gulira’no” mahallasida bo‘lib, hududdagi ijtimoiy-iqtisodiy holat va mahalla faollarining ish jarayonlari bilan yaqindan tanishdilar.

Mazkur jarayon O‘zbekiston Respublikasi Prezidentining PF-209-sonli Farmoni hamda mahalliy Kengash deputatlari faoliyati uchun belgilangan “24 ta eng muhim yo‘nalish” doirasida tashkil etildi. Bu esa har bir deputatning o‘z saylov okrugidagi mas’uliyatini yanada oshirishga xizmat qilmoqda.

Tashrif davomida quyidagi masalalarga alohida e’tibor qaratildi:

▫️Mahalla raisi bilan muloqot: Mahalla yettiligi tomonidan amalga oshirilayotgan ishlar, aholi bandligini ta’minlash va "mahallabay" ishlash tizimining natijalari muhokama qilindi.

▫️Deputat faoliyati tahlili: Kengash raisi D.Normuradova tomonidan deputat O.Sharofutdinovaning o‘tgan davr mobaynidagi faoliyati, saylovchilar bilan uchrashuvlari va ko‘tarilgan muammolarning hal etilish darajasi tanqidiy tahlil qilindi.

▫️Inson qadri uchun: Mahallada yashovchi fuqarolardan biri o‘zini qiynayotgan masala yuzasidan murojaat qildi. Murojaat joyida tinglanib, uni qisqa muddatlarda hal etish maqsadida tegishli tashkilotlarga deputatlik so‘rovi chiqarilishi belgilandi.

Maqsadimiz — xalq ichiga chuqurroq kirib borish, muammolarni xonadonbay aniqlash va ularga qonuniy yechim topish orqali xalqimizning roziligiga erishish!