Tadbirda Termiz shahar korrupsiyaga qarshi kurashish komissiyasi raisi D.Normuradova, Surxondaryo viloyati prokurori katta yordamchisi A.Turayev, Surxondaryo viloyati Maktabgacha va maktab ta’limi boshqarmasining Korrupsiyaga qarshi kurashish va huquqiy nazorat sho‘basi boshlig‘i B.Abdimo‘minov hamda shahar korrupsiyaga qarshi kurashish komissiyasi a'zolari ishtirok etdi.

Tadbirda tizimdagi quyidagi og‘riqli va salbiy holatlar keskin tanqid qilindi:
• Ayrim rahbarlar tomonidan byudjet mablag‘larining maqsadsiz sarflanishi;
• Direktor jamg‘armasi hisobidan asossiz va noqonuniy ustama haq to‘lash holatlari;
• Xodimlarni ishga olish jarayonida pora talab qilish kabi illatlar.

Yig‘ilishda korrupsiyaga nisbatan jamiyatda murosasiz munosabatni shakllantirish zarurligi va har bir qonunbuzarlik uchun jazo muqarrar ekanligi alohida ta’kidlandi.

Tadbir yakunida ta’lim tizimida ochiqlik va shaffoflikni ta’minlash hamda qonun ustuvorligini mustahkamlash bo‘yicha muhim vazifalar belgilab olindi.