O‘zbekiston Respublikasi Oliy Majlisi Senati a’zosi, Senatning Fan, ta’lim va sog‘liqni saqlash masalalari qo‘mitasida doimiy asosda faoliyat yurituvchi senator Gulnora Mahmudovna Ma’rufova, tuman hokim o'rinbosarlari M. Abdukodirov, G.To'laganova, xalq deputatlari Chilonzor tumani Kengashi raisi B.Abdullayeva, kotibiyat mudiri L.Murotova, bosh mutaxassisi X.Mirzayevalar bilan birgalikda tumanning ijtimoiy-iqtisodiy rivojlanishi, mahalliy Kengash faoliyati hamda hududda amalga oshirilayotgan muhim investitsion, ta’lim va ijtimoiy loyihalar yuzasidan o‘rganishlar olib bordi. Tashrif doirasida senator tumandagi qator muhim ijtimoiy loyihalar bilan yaqindan tanishdi.
🔹Jumladan, “Savdo Akademiyasi” o‘quv markazi faoliyati;
🔹 Sharaf mahallasida joylashgan “Fairytale” nodavlat maktabgacha ta’lim tashkiloti;
🔹Chilonzor tumani Oila va xotin-qizlar maskanida yaratilgan sharoitlar ko‘zdan kechirildi. Ushbu loyihalarning aholi bandligini ta’minlash, sifatli ta’lim xizmatlarini kengaytirish va xotin-qizlarni qo‘llab-quvvatlashdagi o‘rni alohida e’tirof etildi.