Xalq deputatlari Qo'qon shahar Kengashi tomonidan tasdiqlangan reja asosida shahar Kengashi deputati O.Bozorov saylov okrugi hududida joylashgan “Bo‘ston” mahalla fuqarolar yig‘inida navbatdagi o‘rganish ishlari olib borildi.

​Uchrashuv jarayonini Xalq deputatlari Qo‘qon shahar Kengashi kotibiyati mudiri A.Nosirov olib bordi, hamda uchrashuv o'tkazilishiga Kengash kotibiyati bosh mutaxassisi A.Adhamov tomonidan ko'maklashildi. Uchrashuv davomida mahalla raisi bilan hudud aholisini qiynab kelayotgan dolzarb muammolar, mavjud kamchiliklar hamda ularni bartaraf etish yuzasidan amalga oshirilishi lozim bo‘lgan chora-tadbirlar muhokama qilindi.

Shuningdek, mahalla infratuzilmasini yaxshilash, fuqarolarga yaratilayotgan sharoitlarni yanada kengaytirish hamda aholi murojaatlarini o‘z vaqtida hal etish masalalariga alohida e’tibor qaratildi.

Bildirilgan taklif va murojaatlar tegishli tartibda qayd etilib, ularni hal etish yuzasidan mas’ul tashkilotlar bilan hamkorlikda amaliy choralar ko‘rish belgilab olindi.

Fuqarolar bilan ochiq muloqot va joylardagi muammolarni o‘rganish ishlari davom etmoqda.

Xalq deputatlari Qo‘qon shahar Kengashi