Xalq deputatlari Zomin tuman Kengashi deputati I.Kucharov navbatdagi sessiya kun tartibiga kiritilgan tuman davlat soliq inspeksiyasi rahbarining mahalliy budjet daromadlari bajarilishi holati to‘g‘risidagi hisobotini har tomonlama o‘rganish maqsadida hududlarda o‘rganish ishlarini olib bormoqda.

Jumladan, mahalliy budjetga tushumlar ijrosi, qo‘shimcha daromad manbalari va ichki rezervlarni aniqlash bo‘yicha amalga oshirilgan ishlar, soliqlar hamda boshqa majburiy to‘lovlar kesimida hisoblangan va amalda tushgan mablag‘lar, shuningdek, mavjud soliq qarzdorligi holati tahlil qilinmoqda.

O‘rganishlar davomida budjet daromadlarini oshirish imkoniyatlari, soliq intizomini mustahkamlash, qarzdorlikni qisqartirish hamda qonunchilikda belgilangan vazifalar ijrosi yuzasidan tegishli ma’lumotlar yig‘ilib, ular asosida deputatlik nazorati doirasida taklif va tavsiyalar ishlab chiqilmoqda.

Slide 1 of 3