O‘rganish jarayonida 650 metr uzunlikdagi ko‘chada 15 ta xonadon mavjud bo‘lib, elektr ta’minoti uchun simyog‘ochlar o‘rnatilmagani aniqlandi. Aholi elektr energiyasini boshqa ko‘chadan o‘zboshimchalik bilan tortib, simlarni gaz quvurlari va daraxtlarga bog‘lab foydalanib kelgani sababli bir necha bor qisqa tutashuv yuzaga kelib, transformator ishdan chiqqani hamda mahallada elektr uzilishlari kuzatilgani qayd etildi.

Shuningdek, ko‘cha tuproq yo‘l bo‘lib, yog‘ingarchilik kunlari qatnov qiyinlashayotgani, ayniqsa bolalarning maktabga borib-kelishida noqulaylik tug‘dirayotgani ham aniqlandi.

Bundan tashqari, fuqaro M.Ro‘ziqulovning murojaati asosida eshitish moslamasi va hassa bilan ta’minlash masalasi ko‘rib chiqildi. Tibbiy xulosa asosida Inson ijtimoiy xizmatlar markazi tuman bo‘limi orqali zarur vositalarni yetkazib berish choralari ko‘rildi.