1-chorakda amalga oshirilgan ishlar yuzasidan saylovchilarga axborot berildi

🏛Xalq deputatlari Narpay tumani Kengashi deputati, tuman hokimi A.Boliyev o‘z saylov okrugidagi Qozikent mahallasida joriy yilning 1-choragida amalga oshirilgan ishlar yuzasidan saylovchilarga axborot berdi.

✔️Uchrashuvda hududni ijtimoiy-iqtisodiy rivojlantirish, infratuzilmani yaxshilash, aholi bandligini ta’minlash hamda obodonlashtirish yo‘nalishida amalga oshirilgan ishlar atroflicha yoritib berildi. Shuningdek, ichimlik suvi, elektr energiyasi, yo‘l va kommunal xizmatlar bilan bog‘liq masalalar yuzasidan bajarilgan ishlar va erishilgan natijalar haqida ma’lumot berildi.

✔️Yig‘ilishda mahalla aholisi bilan ochiq muloqot o‘tkazilib, fuqarolar tomonidan ko‘tarilgan muammolar, taklif va mulohazalar tinglandi. Bildirilgan murojaatlar asosida tegishli mutasaddilarga aniq topshiriqlar berilib, ularni hal etish bo‘yicha zarur choralar belgilandi.