Xalq deputatlari Muzrabot tumani Kengashiga 11-Qahramon okrugidan saylangan deputat Amonov Jamshid tumandagi “Mehnatobod” mahalla fuqarolar yig‘inida bo‘lib, hududning ijtimoiy qiyofasi va aholi yashash sharoitlarini yaqindan o‘rgandi. Aholi bilan suhbatlar o‘tkazdi.

Mahalla faollari bilan kechgan qizg‘in muloqotda “mahalla yettiligi”ning hamkorlikdagi faoliyati tahlil qilindi.

O‘rganishlar davomida deputat asosiy e’tiborni oilalarni kambag‘allikdan chiqarish va ijtimoiy himoyaga muhtoj qatlamni qo‘llab-quvvatlashning yangi mexanizmlariga qaratdi.

Xususan, tadbirkorlikka yo‘naltirish orqali daromad manbaini yaratish bo‘yicha zarur tavsiyalar berildi.

Mahalla nafaqat ma’muriy birlik, balki xalqning dardi tinglanadigan, islohotlarning amaliy natijasi ko‘rinadigan eng muhim bo‘g‘in ekanligi qayd etildi.

Shuningdek, aholi bilan o‘tkazilgan suhbatlarda fuqarolar tomonidan deputatga qilingan murojaatlar qayd qilindi. Har bir masalaning ijobiy yechimi yuzasidan tegishli tashkilotlarga deputatlik so‘rovlari yuborish bo‘yicha vazifalar belgilab olindi.