SESSIYA KUN TARTIBIDA: 

O‘zbekiston Respublikasi Prezidentining 2024-yil 13-dekabrdagi “Surxondaryo viloyatini kompleks ijtimoiy-iqtisodiy rivojlantirish hamda aholi turmush darajasini yaxshilash chora-tadbirlari to‘g‘risida”gi PQ-438-son qarorining tumandagi ijrosi bo‘yicha 2026-yil I-choragida amalga oshirilgan ishlar yuzasidan tuman hokimi F.Xoliqovning hisoboti to‘g‘risida.

Qumqo‘rg‘on tumanida 2026-yil I-mavsum, 1-fevraldan 20-martga qadar O‘zbekiston Respublikasi “Ochiq budjet” portali orqali tumanda istiqomat qiluvchi fuqarolar tomonidan ovoz berish jarayoni yakuni bilan g‘olib deb topilgan eng ko‘p ovoz to‘plagan takliflarga “Fuqarolar tashabbusi jamg‘armasi” hisobidan mablag‘ ajratish to‘g‘risida tuman Iqtisodiyot va moliya bo‘limi boshlig‘i birinchi o‘rinbosari O.Abdimurodovning hisoboti.

O‘zbekiston Respublikasi Prezidentining 2025-yil 15-maydagi “2025-2030-yillarda bolalar saratoniga qarshi kurashish bo‘yicha O‘zbekiston Respublikasi milliy strategiyasini amalga oshirish chora-tadbirlari to‘g‘risida”gi PQ-186-sonli qarorining tumandagi ijrosi yuzasidan tuman Tibbiyot birlashmasi boshlig‘i A.Sattarovning hisoboti to‘g‘risida. 

 O‘zbekiston Respublikasi Prezidentining 2025-yil 30 yanvardagi PF-17-sonli Farmoniga asosan Qumqo‘rg‘on tuman hokimligi huzuridagi “Infratuzilma va ijtimoiy barqarorlik” jamg‘armasi mablag‘larini yo‘naltirish to‘g‘risida.
Xalq deputatlari Qumqo‘rg‘on tumani Kengashi huzuridagi “Xalqparvar” komissiyasining yangi tarkibini tasdiqlash to‘g‘risida.

Sessiyada har bir masala yuzasidan keng muhokamalar o‘tkazilib, deputatlar mas’ullardan o‘z savollariga javoblar, holatlar yuzasidan izohlar olishdi. Yakunda, kun tartibidagi har bir masala bo‘yicha tegishli qarorlar qabul qilindi.