Xalq deputatlari Muzrabot tumani Kengashiga 7-Qo‘rg‘oncha okurgidan saylangan deputati Norqobilov Shuhrat Ravshanovich tumandagi “Gulobod” mahallasi hududida joylashgan 56-umumiy o‘rta ta’lim maktabida bo‘ldi. Ushbu ta’lim dargohidagi shart-sharoitlarni o‘rganish davomida va pedagoglar jamoasining Respublikamiz Prezidentining “Mamlakatimiz ta’lim-tarbiya tizimini yanada takomillashtirish, ilm-fan sohasi rivojini jadallashtirishga oid qo‘shimcha chora-tadbirlar to‘g‘risida”gi Farmoni bo‘yicha fikr-mulohazalari bilan o‘rtoqlashildi.

Shuningdek, deputat maktab jamoasi va o‘quvchilar ishtirokida uchrashuv o‘tkazdi. Uchrashuv davomida o‘quvchilarga zamonaviy ta’lim imkoniyatlari, kasb-hunar tanlashda to‘g‘ri yo‘l-yo‘riq belgilash, bilim va ko‘nikmalarni muntazam rivojlantirishning ahamiyati haqida batafsil ma’lumotlar berildi. Yoshlarning orzu-intilishlarini ro‘yobga chiqarishda mas’uliyat, intizom va mustaqil fikrlash muhim omil ekani ta’kidlandi.

Tadbir davomida o‘quvchilar o‘z fikr va mulohazalarini erkin bildirdilar, savol-javoblar orqali mavzu yanada boyitildi.

Muloqot jarayonida o‘quvchilar o‘zlarini qiziqtirgan savollar bilan faol ishtirok etib, kelajakdagi rejalari va maqsadlari yuzasidan fikr almashdilar.

Samimiy ruhda kechgan suhbat yoshlarni ilm olishga rag‘batlantirish, ularning ijtimoiy faolligini oshirish hamda ta’lim jarayoniga bo‘lgan qiziqishini kuchaytirishga xizmat qildi.