Xalq deputatlari Muzrabot tumani Kengashiga 9-Darband saylov okrugidan saylangan deputat M.X.Ramazonov “Darband” va “Yo‘lchi” mahallalari hududida joylashgan 6, 36, 39, 48-maktablarda hamda 7-Qo‘rg‘oncha saylov okrugidan saylangan deputat Sh.R.Norqobilov “Gulobod” mahallasi hududida joylashgan 56-maktabda kuz-qish mavsumiga tayyorgarlik ishlari bilan tanishdilar.

O‘rganish jarayonida kuz-qish davrida qozonxonalarning barqaror ishlashini ta’minlash maqsadida soha tashkilotlari tomonidan zarur suyuq va qattiq yoqilg‘i zaxirasi yaratilishiga quyidagilarga e’tibor qilindi.

O‘rganishlar davomida ta’lim muassasalarda kuz-qish mavsumiga tayyorgarlik holatini, maktablardagi sinf xonalarining holati, isitish tizimi hamda o‘quv jarayoni uchun yaratilgan shart-sharoitlar ko‘zdan kechirildi. Deputatlar aniqlangan kamchiliklarni bartaraf etish bo‘yicha ma’sullarga o‘zining ko‘rsatma va takliflarini berdilar.