O‘zbekiston Respublikasi Prezidentining 2025-yil 19-maydagi “2025–2030-yillarda bolalar saratoniga qarshi kurashish bo‘yicha milliy strategiyani amalga oshirish chora-tadbirlari to‘g‘risida”gi 186-sonli qarori ijrosini ta’minlash maqsadida Jondor tumanida amalga oshirilayotgan ishlar muhokama qilindi.

Tuman tibbiyot birlashmasi mutaxassisi Xalq deputatlari Jondor tumani Kengashining ijtimoiy soha, yoshlar siyosati, madaniyat va sport masalalari bo‘yicha doimiy komissiyasi yig‘ilishida mazkur yo‘nalishda bajarilgan ishlar yuzasidan hisobot berdi.

Muhokama davomida amalga oshirilayotgan chora-tadbirlar, mavjud muammolar va ularni bartaraf etish yo‘llari atroflicha ko‘rib chiqildi. Shuningdek, aholida sog‘lom turmush tarzini targ‘ib qilish, bolalar sog‘ligini muhofaza etish va tibbiy xizmat sifatini yanada oshirish zarurligi ta’kidlandi.

Yig‘ilish yakunida doimiy komissiya tomonidan tegishli tavsiyalar va qarorlar qabul qilindi.