Plenumda O‘zbekiston XDP Xorazm viloyati Kengashi raisi o‘rinbosari U.Qo‘chqorov, tuman Kengashi plenum aʼzolari hamda partiya faollari ishtirok etdilar.

Plenumni Xalq deputatlari Tuproqqalʼa tuman Kengashi kotibiyat mudiri X.Sultonov ochib berdi va kun tartibi bilan ishtirokchilarni tanishtirdi.

Yig‘ilishda Tuproqqalʼa tuman Kengashi raisi Sh.Sultonova tomonidan 2025-yilning birinchi yarim yilligida partiya tuman Kengashi va deputatlik guruhi tomonidan amalga oshirilgan ishlar bo‘yicha hisobot tinglandi va tahlil qilindi.

Suhbat davomida Xalq deputatlari tuman Kengashi kotibiyat mudiri X.Sultonov hamda partiya faollari G.Sobirova so‘zga chiqib, deputatlar va partiya faollari islohotlarning faqat kuzatuvchisi emas, balki ularning bevosita ishtirokchisi bo‘lishi lozimligini taʼkidladilar.

Shuningdek, bu yo‘nalishda masʼuliyatni yana-da oshirish, eʼtibor qaratilishi zarur bo‘lgan masalalar alohida qayd etildi.