OʼzLiDeP Самарқанд шаҳар Кенгаши депутатлик гуруҳи аъзолари Самарқанд тумани Оҳалик МФЙ тоғбағрида жойлашган "Алпомиш" болаларни соғломлаштириш оромгоҳи фаолиятини кўздан кечиришиб, у ерда мароқли дам олаётган ҳамда соғломлаштириш жараёнида иштирок этаётган болажонлар холидан ҳабар олишди.️ Ўрганиш давомида депутатлар оромгоҳда хордиқ чиқараётган болажонлар яратилган шарт-шароитлар, бўш вақтларини мазмунли ўтказиш мақсадида фаолият олиб борилаётган спорт ва фан тўгараклари, ётоқхона кутубхона, маънавият ва тиббиёт хоналари, ошхоналар фаолияти билан танишди.️ Мазкур оромгоҳдаги болажонлар билан суҳбатлар олиб бориб, уларнинг бўш вақтини мазмунли ўтказиш мақсадида китоблар тўплами совға қилинди.️ Маьлумот ўрнида, мазкур оромгоҳнинг умумий майдони 2.2 гектарни ташкил этиб, режа буйича 200 ўринли бўлиб, бугунги кунда 240 бола қабул қилинган. ️ Оромгоҳда мазкур мавсумда 1 нафар бош тарбиячи, 6 нафар тарбиячи, 6 нафар етакчи педагок ҳодим ҳамда 2 нафар тиббиёт ходимлари фаолият олиб боради. Учрашув якунида депутатлар ўз таклифларини билдиришди.