Xalq deputatlari tuman Kengashiga O'zbekiston Ekologik partiyasidan saylangan 11-sonli "Xolimbeg" saylov okrugi deputati Sh.Matirzayev tomonidan mahallada olib borilgan o‘rganishlar hamda bildirilgan muammolar yuzasidan “Xolimbeg” ovul fuqarolar yig‘ini hududida istiqomat qiluvchi fuqarolardan hosil bo‘layotgan maishiy chiqindilarni o‘z vaqtida va belgilangan tartibda olib chiqib ketish ishlari yetarli darajada yo‘lga qo‘yilmaganligi qayd etildi.

Mazkur masala yuzasidan deputat tomonidan Amudaryo tumani hokimi o‘rinbosari B.Ernazarovga deputat so‘rovi yuborildi.

So'rovda “Xolimbeg” ovul fuqarolar yig‘ini hududida ko‘chasidagi chiqindilarni muntazam va belgilangan jadval asosida olib chiqish choralarini ko‘rishda amaliy yordam ko‘rsatish so'ralgan.