Xalq manfaatlari va hududlar obodligi doimiy e’tiborda!
Bugun 7-Arnabo‘yi saylov okrugida joylashgan “Arnabo‘yi” mahalla fuqarolar yig‘inida navbatdagi deputatlik o‘rganish va nazorat tadbiri bo‘lib o‘tdi.

Tadbirda:
O‘zLiDePdan saylangan Xalq deputatlari Amudaryo tuman Kengashi deputatlari U. Abduraxmanov va M. Kazakov, O‘zbekiston Ekologik partiyasi tuman Kengashi raisi M. Sa’dullayev, Mahalla fuqarolar yig‘ini raisi Sh. Sultonov, tuman Kengashi kotibiyati xodimlari ijtimoiy va kommunal holatni atroflicha o‘rgandilar.

🔍 O‘rganishlar markazida nimalar bor?
Deputatlik faoliyatining eng muhim yo‘nalishlaridan biri hisoblangan aholi turmush sharoitini yaxshilash maqsadida quyidagi masalalarga alohida e’tibor qaratilmoqda:

🛠 Mahalla ichki yo‘llari holati: Yo‘llarni ta’mirlash, ravon va xavfsiz harakatlanishni ta’minlash bo‘yicha mavjud muammolar o`rganildi.
💡 Ko‘chalarni tunda yoritish: Aholi xavfsizligi va qulayligini oshirish maqsadida ko‘chalarga tungi yoritish chiroqlarini o‘rnatish va ularning uzluksiz ishlashini ta’minlash jarayonlari ko‘zdan kechirildi.

Maqsad bitta: Aholi murojaatlari va mahalladagi mavjud masalalarni joyiga chiqqan holda o‘rganish hamda ularni bosqichma-bosqich hal etish yuzasidan deputatlik nazoratini tizimli ravishda davom ettirish.