#poytaxtdeputatlari #deputatlik_faoliyati

❗️“UCH AVLOD UCHRASHUVI” — TAJRIBA VA YOSHLAR SHIJOATI UYG‘UNLIGI

🏛 Xalq deputatlari Toshkent shahar Kengashi raisi, senator Rustamxon Kalanov boshchiligida Yunusobod tumanidagi 258-sonli umumta’lim maktabida “Avlodlar vorisligi — yurt taraqqiyoti poydevori” mavzusida “Uch avlod uchrashuvi” ma’naviy-ma’rifiy tadbiri tashkil etildi.

🤝 Tadbirda xalq deputatlari Yunusobod tumani Kengashi deputati Iqbolxon Ashrapova, mahalla “yettiligi” vakillari, nuroniy otaxon va onaxonlar, ta’lim sohasi vakillari hamda yoshlar ishtirok etdi.

🗣 Ochiq va samimiy muloqot tarzida o‘tgan uchrashuvda Rustamxon Kalanov avlodlar o‘rtasidagi vorislikni ta’minlash, nuroniylarning boy hayotiy tajribasini yoshlarga yetkazish hamda navqiron avlodni Vatanga sadoqat, milliy qadriyatlarga hurmat va yuksak mas’uliyat ruhida tarbiyalash muhim ahamiyatga ega ekanini ta’kidladi.

🔺 Muloqot davomida nuroniylar o‘zlarining ibratli hayot yo‘li, fidokorona mehnati va orttirgan tajribasi bilan o‘rtoqlashib, yoshlarga qimmatli maslahat va tavsiyalar berdilar. Yoshlar esa ta’lim, sport va jamoatchilik yo‘nalishlarida erishgan yutuqlari, kelajakdagi maqsad hamda tashabbuslari haqida so‘zlab berdilar.

📚 Tadbir doirasida mahallada yoshlar bilan ishlash samaradorligini oshirish, ularning bo‘sh vaqtini mazmunli tashkil etish, bandligini ta’minlash, ilm-fan va sportga keng jalb qilish hamda iste’dodli yoshlarning tashabbuslarini qo‘llab-quvvatlash masalalariga ham alohida e’tibor qaratildi.

🌿 Shuningdek, mahalla “yettiligi”, ta’lim muassasasi va deputatlar o‘rtasidagi hamkorlikni yanada mustahkamlash, yoshlarning muammo va takliflarini bevosita o‘rganish hamda ularning jamiyat hayotidagi faolligini oshirish yuzasidan fikr almashildi.

✅ “Uch avlod uchrashuvi” nuroniylarning boy tajribasi, o‘rta avlodning bunyodkorlik salohiyati va yoshlarning shijoatini birlashtirib, avlodlar hamjihatligini mustahkamlash hamda yoshlarda Vatanga muhabbat va daxldorlik tuyg‘usini yanada yuksaltirishga xizmat qildi.

📱 Telegram 📱 Instagram 📱 Facebook 📱 YouTube 🔎 E-kengash