Xalq deputatlari Qo‘qon shahar Kengashi deputati F.Qahharova tomonidan “Kalvak guzari” MFY yoshlar yetakchisi A.Tojinazarovning O‘zbekiston Respublikasining 2016-yil 14-sentabrdagi O‘RQ-406-sonli “Yoshlarga oid davlat siyosati to‘g‘risida”gi Qonuni ijrosi yuzasidan olib borayotgan ishlari o‘rganildi.

O‘rganish davomida yoshlar yetakchisi tomonidan qonun talablari ijrosini ta’minlash, yoshlarni qo‘llab-quvvatlash, ularning bandligini ta’minlash hamda bo‘sh vaqtlarini mazmunli tashkil etish borasida amalga oshirilayotgan ishlar haqida ma’lumot berildi.

Xususan, mahalladagi 9 nafar og‘ir toifadagi yosh bepul kasb-hunarga o‘qitish kurslariga jalb etilgani, 5 nafar yoshning bandligi ta’minlangani hamda 2 nafar yoshning kontrakt to‘lovlari to‘lab berilgani ma’lum bo‘ldi.

Shuningdek, mahallaning 27 nafar yoshlar turli sport musobaqalarida faol ishtirok etib, 1- va 2-o‘rinlarni egallagani qayd etildi.

Xalq deputatlari Qo‘qon shahar Kengashi