👥 Mahallalar bilan hamkorlikda aholi muammolari o‘rganilmoqda

📍 Xalq deputatlari Sherobod tumani Kengashining 9-G‘o‘rin–Hakimobod saylov okrugi deputati Y. Shoymanov, Kengash kotibiyatining bosh mutaxassisi Sh. Xo‘jaynazarov hamda O‘zbekiston mahallalar uyushmasi Sherobod tuman bo‘limi boshlig‘i O. Ostonaqulov hamkorligida "Hakimobod" mahallasida ko‘cha boshilari bilan uchrashuv o‘tkazildi.

🤝 Mazkur uchrashuvda mahalla faollari bilan hamkorlikda hududdagi mavjud muammolar, aholi murojaatlari, obodonlashtirish, ijtimoiy masalalar hamda fuqarolarni qiynayotgan dolzarb masalalar muhokama qilindi.

🏘 O‘zbekiston mahallalar uyushmasi tuman bo‘limi bilan hamkorlikda mahalladagi xonadonlar holatini o‘rganish, aholining ehtiyojlarini aniqlash va mavjud muammolarni manzilli hal etishga qaratilgan ishlar olib borildi.

🏠 Shuningdek, xonadonma-xonadon yurib o‘rganishlar davomida fuqarolarning murojaatlari, taklif va tashabbuslari tinglandi. Aniqlangan masalalar tegishli tartibda qayd etilib, ularni hal etish bo‘yicha takliflar shakllantirildi.

✅ Bunday hamkorlikdagi o‘rganishlar mahallalarda aholi bilan doimiy muloqotni yo‘lga qo‘yish, muammolarni joyida aniqlash va ularning yechimiga erishishda muhim ahamiyat kasb etadi.