#Deputatlik_nazorati #Deputat_daftari #poytaxtdeputatlari #deputatlik_faoliyati

❗️ AHOLI MUROJAATI ASOSIDA AVTOBUS BEKATLARI HOLATI DEPUTAT TOMONIDAN O‘RGANILDI

🏛 Xalq deputatlari Toshkent shahar Kengashi deputati Otabek Jiyanboyev aholidan kelib tushgan murojaatlar asosida Mirobod tumanining “Navro‘z” hamda “Mirobod” mahalla fuqarolar yig‘inlari hududida jamoat transporti infratuzilmasi, xususan, avtobus bekatlarining bugungi holatini joyiga chiqqan holda o‘rgandi.

🚌 O‘rganish mahalliy Kengash deputati faoliyatining muhim yo‘nalishlaridan biri — jamoat transportining muntazam harakatlanishi, avtobus bekatlarining holati hamda aholining ulardan qulay va xavfsiz foydalanishi uchun yaratilgan sharoitlarni o‘rganish doirasida amalga oshirildi.

🔎 Jarayon davomida hududdagi bir qator avtobus bekatlari birma-bir ko‘zdan kechirilib, ularning mavjud infratuzilmasi, yo‘lovchilar uchun yaratilgan sharoitlar, sanitariya va obodonlashtirish holati hamda kundalik foydalanish uchun qulayligi o‘rganildi.

📍 Ayrim bekatlarda yo‘lovchilar uchun zarur sharoitlarni yanada yaxshilash, bekat hududlarini tartibga keltirish, tashqi ko‘rinishini yaxshilash hamda mavjud infratuzilmani talab darajasiga keltirish zarurati mavjudligi aniqlandi.

🔺 Deputat Otabek Jiyanboyev o‘rganish davomida mazkur bekatlardan muntazam foydalanadigan fuqarolar bilan ham bevosita muloqot qilib, ularning jamoat transporti va bekatlar faoliyatiga oid fikr-mulohazalari, takliflari hamda murojaatlarini tingladi.

💬 Muloqotlarda, ayniqsa, fuqarolarning jamoat transportini kutishi uchun qulay sharoit yaratish, bekatlarni ozoda va tartibli saqlash, yo‘lovchilar xavfsizligini ta’minlash hamda mavjud kamchiliklarni bosqichma-bosqich bartaraf etish masalalariga alohida e’tibor qaratildi.

📨 O‘rganish natijasida aniqlangan holatlar yuzasidan tegishli mas’ullar bilan fikr almashilib, mavjud muammolarni bartaraf etish bo‘yicha takliflar bildirildi. Avtobus bekatlari holatini yaxshilash va fuqarolar uchun zarur qulayliklarni yaratish yuzasidan tegishli tashkilotga deputatlik so‘rovi yuborilib, masala deputatlik nazoratiga olindi.

🤝 Aholi murojaatlarida ko‘tarilayotgan masalalarni bevosita hududlarga chiqqan holda o‘rganish, muammolarga mas’ul tashkilotlarni jalb etish va ularning amaliy yechimiga erishish mahalliy Kengash deputatlari faoliyatining ustuvor yo‘nalishlaridan biri hisoblanadi.

✅ Mazkur masala yuzasidan belgilangan chora-tadbirlarning amalga oshirilishi Xalq deputatlari Toshkent shahar Kengashi deputati Otabek Jiyanboyev tomonidan deputatlik nazorati tartibida kuzatib boriladi.

📱 Telegram 📱 Instagram 📱 Facebook 📱 YouTube 🔎 E-kengash